काठमाडौं । पहिरो खस्दा नारायणगढ– मुग्लिन सडक अवरुद्ध भएको छ । चितवनको भरतपुर महानगरपालिका–२९ घुमाउनेमा पहिरो खस्दा फेरी सडक अवरुद्ध हुन पुगेको हो ।
जिल्ला प्रहरी कार्यालय चितवनका अनुसार बिहान ६ बजे खसेको पहिरोले सडक अवरुद्ध भएपनि खोल्न कार्य भईरहेको स्थानीय ट्राफिक प्रहरीले बताएका छन् ।
पहिरोले चितवनबाट काठमाडौँ र पोखरा जाने तथा काठमाडौँ र पोखराबाट चितवनलगायत विभिन्न क्षेत्रमा आउने सवारी साधन बीच बाटोमै रोकिएका छन् ।
यसअघि साउन १७ गते पनि सोही ठाउँमा पहिरो खसेर पाँच घण्टा सडक रोकिएको थियो ।
Categorized in समाज
