काठमाडौं । राइड सेयरिङ एप पठाओका असन्तुष्ट चालकहरूले माग पुरा नभएपछि कार्यालयमा तोडफोड गरेका छन ।
चालकहरुले यस अघि कमिसन घटाउन माग गर्दै सोमबार कम्पनीलाई बुझाएको मागप्रति छलफल गर्ने क्रममा केही व्यक्तिले कम्पनी रहेको भवनको झ्यालको सिसा फुटाएको बानेश्वर प्रहरीले जनाएको छ ।
अधिकतम ८ प्रतिशत मात्रै कमिसन लिन माग गरेका छन तर अहिले कम्पनीले यात्रुले तिर्ने भाडाबाट २० प्रतिशत कमिसन राख्ने गरेको छ ।
कम्पनीले राइडर र यात्रुको १ लाखसम्मको उपचार बिमा र मृत्यु भएका ५ लखाखको दुर्घटना बिमा पनि गर्ने घोषणा गरिसकेपनि कमिसन घटाउने लगायतका मागमा कम्पनी र चालकहरुविच सहमति जुट्न सकेको थिएन ।
पठाओले विभिन्न ११ बुँदाको मागमध्ये कतिपय माग पुरा गर्न नसक्ने बताएपछि कम्पनीमा केही राइडर वार्ताका लागि पुगेका थिए । प्रहरीले त्यहा रहेका २६ जनालाई नियन्त्रणमा लिएर अनुसन्धान थालेको छ ।
Categorized in बजार