काठमाडौ । पचली भैरवको कथालाई पुस्तकका रुपमा लोकार्पण गरिएको छ ।
शनिवार टेकुमा आयोजित एक कार्यक्रमविच काठमाडौं महानगरपालिकाकी उपप्रमुख सुनिता डंगोल, बौद्ध विद्वान यज्ञमानपति बज्राचार्य लगायतले पुस्तक लोकार्पण गरेका थिए ।
सो अवसरमा महानगर उपप्रमुख डंगोलले पुस्तकले आउने पुस्तालाई नाटकबारे बुझ्ने मौका दिने बताउँदै काठमाडौंलाई मूर्तसँगै अमूर्त सम्पदाको धनी केन्द्र भएको सुनाईन ।
चन्द्रमान मुनिकारले संकलन गरेको कथा र निर्देशन गरेको नाटकको पुस्तक लोकार्पण गरिएको हो । गत वर्ष कात्तिक २५ गते देखि मंसिर ४ गतेसम्म सो नाटक कौसी थिएटरमा मञ्चन गरिएको थियो ।
कथाको नाट्य रुपान्तरण र सह–निर्देशन इँगिहोपो कोंइच सुनुवारले गरेका थिए भने नाटकको सम्पूर्ण व्यवस्थापन सुदन मुनिकारले गरेका थिए । नाटकमा प्रमुख पात्र भैरबको अभिनय गरेका सुदन मुनिकारले कार्यक्रम संचालन गरेका थिए ।
कार्यक्रममा ब्रजकला कुञ्जका संस्थापक अध्यक्ष चन्द्रमान मुनिकारले छिट्टै नयाँ नाटकको लिएर रंगमञ्चमा फर्किने बताएका थिए ।
Categorized in सम्पदा/संस्कृति