न्युयोर्कमा ट्रक दुर्घटनामा नेपाली बालकको मृत्यु, आमा घाईते
प्रकाशित: बुधवार, २३ पुष २०७६, १७ः०० बजे
- महानगरखवर
काठमाडौं । न्युयोर्कमा एक फोहर संकलन गर्ने ट्रकले एक नेपाली आमा–छोरालाई ठक्कर दिएको छ ।
मंगलवार भएको उक्त दुर्घट्नमा १० बर्षिय बालक श्रीजल पन्थीको मृत्यु भएको र उनकी आमा मिना पन्थी घाइते भएको स्थानीय अनलाइनहरुले समाचार लेखेका छन ।
समाचार अनुसार श्रीजलको अस्पतालमा उपचारको क्रममा मृत्यु भएको छ भने आमाको अवस्था गम्भिर रहेको छ ।
छोरा श्रीजललाई स्कुल जाने क्रममा उनीहरुलाई ९७ स्ट्रिट नजिक ५७ एभिन्यूमा मंगलबार बिहान करिब सात बजेतिर ट्रकले ठक्कर दिएको थियो ।
मृतक बालकका बाबुको नाम पुरुषोत्तम पन्थी भएको खुलेको पनि उनीहरुको नेपालको ठेगाना भने थाहा हुन सकेको छैन । पन्थी लेफ्राक सिटीको फ्रेन्डस् अफ द पब्लिक लाइब्रेरीका बोर्ड सदस्य हुन ।
Categorized in अन्तर्राष्ट्रिय
