नेपाल लाइफ समुन्नत जीवन बीमा योजना सार्वजनिक
काठमाडौं । नेपाल लाइफ इन्स्योरेन्सले नेपाल लाइफ समुन्नत जीवन बीमा योजना पोलिसी ल्याएको छ ।
मंगलबार एक कार्यक्रमविच जोखिमयुक्त पेसाहरु चिकित्सा, इन्जिनियरिङ, बाइक राइडर, औद्योगिक कामदारसम्मलाई लक्षित गरेर यो योजना ल्याएको कम्पनीले जनाएको छ ।
कम्पनीको अनुसार योजना अन्तर्गत बीमाअवधि भित्र बीमितको दुर्घटनाका कारण मृत्यु भएमा बीमाङ्क रकमको तेब्बर र आर्जित बोनस बीमितका इच्छाइएको व्यक्तिले भुक्तानी प्राप्त गर्न सक्नेछन ।
यो बीमालेख १८ वर्षदेखि ६० वर्ष उमेर समूहका व्यक्तिले लिन सक्ने कम्पनीले जनाएकोक छ । कम्पनीका अनुसार ५ वर्षदेखि अधिकतम ३० वर्षसम्म अवधिको बीमा लिन सकिने छ भने १८ वर्ष देखि ६० वर्षसम्मै घातक रोग उपचार खर्च योजना ऐच्छिक सुविधा लिन सकिनेछ ।
अतिरिक्त बीमाशुल्क तिरेर बीमांक रकम बराबर वा अधिकतम ५० लाख रुपैयाँसम्मको घातक रोग उपचार खर्च योजनामा सहभागी हुन सकिने कम्पनीले जनाएको छ ।
यो बीमालेखको बीमा समाप्ति अधिकतम ६५ वर्ष उमेरमा हुने छ । ५० हजारदेखि एक करोड रुपैयाँसम्मको बीमांक रकमको बीमा गर्न सकिने कम्पनीले जनाएको छ ।
Categorized in बजार
