काठमाडौं । नेपाली महिलालाई बेलायती सेनामा भर्ना नगर्न संसदको अन्तराष्ट्रिय सम्बन्धन समितिले निर्देशन दिएको छ ।
बेलायतले सन् २०२० सम्म नेपाली महिलालाई भर्ना लिने जनाएको थियो । तर, समितिले सो नगर्न भन्दै भर्ना हुन गएको भए फिर्ता बोलाउन समेत निर्देशन दिएको छ ।
समितिका सभापति पवित्रा निरौलाका अनुसार बेलायतले प्रस्ताव गरेको बताइन । समितिले बेलायती सेनामा नेपाली महिलालाई पठाउने प्रस्ताव अस्विकार गरेको छ ।
नेपाली सेनाले बेलायती सेनाको रुपमा सेवा गरेको २०३ बर्ष भईसक्दा पनि बेलायतले समान तलव उपलव्ध नगराएको, गोर्खाली सेनाको आधिकारिक तथ्यांक, सेनाको अवस्थाबारे नेपाल सरकारलाई जानकारी नदिएको समितिको भनाई छ ।
भूतपूर्व गोर्खा सैनिकले न्याय र समानताका लागि उठाएका माग र औंल्याएका समस्या समाधानका लागि पहल गर्न सरकारलाई निर्देशन पनि दिएको छ ।
Categorized in राष्ट्रिय
