काठमाडौं । नेपालमा यस वर्षको मनसुन आजदेखि बाहिरिन सुरु भएको छ ।
जल तथा मौसम विज्ञान विभागका अनुसार सुदूरपश्चिम र कर्णाली प्रदेशबाट पूर्ण रूपमा मनसुन बाहिरिएको छ ।
विभागले दिएको जानकारी अनुसार लुम्बिनी प्रदेशको पश्चिमी भूभागका धेरै स्थान र गण्डकी प्रदेशको पश्चिमी भूभागका केही स्थानहरूबाट पनि मनसुन बाहिरिन थालेको छ ।
मनसुनको अवस्थाः
बाँकी प्रदेशहरूबाट पनि केही दिनमै मनसुन बाहिरिने सम्भावना रहेको विभागले जनाएको छ ।
विभागका अनुसार अहिले मनसुनी वायु क्रमशः कमजोर हुँदै गएको छ, जसका कारण देशभर मनसुनको प्रभाव अन्त्यतिर पुगेको हो ।
नेपालमा मनसुन भित्रिने सरदर मिति जुलाई १३ र बाहिरिने सरदर मिति अक्टोबर २ हो । तर यस वर्ष मनसुन सरदर मितिभन्दा १५ दिन छिटो अर्थात मे ३० (जेठ १६ गते) भित्रिएको थियो ।
त्यसैगरी, यस वर्ष मनसुन सरदर मितिभन्दा चार दिन ढिलो अर्थात् अक्टोबर ६ (असोज २० गते) देखि बाहिरिन सुरु भएको विभागले जनाएको छ ।
जल तथा मौसम विज्ञहरूले मनसुनको अन्त्यसँगै देशभर चिसो बढ्ने, मौसम सफा हुने र शरद ऋतुको प्रभाव स्पष्ट रूपमा देखिन थाल्ने बताएका छन ।
Categorized in राष्ट्रिय
