५ मङ्सिर २०८३, शुक्रबार
Binod Yojesh Ram

नेपालको सार्वजनिक ऋण २६ खर्ब नाघ्यो, आन्तरिक र बाह्य दुवै ऋणमा वृद्धि


प्रकाशित: सोमवार, १२ साउन २०८२, १६ः४० बजे
- महानगरखबर

काठमाडौं ।  नेपाल सरकारको तिर्नुपर्ने सार्वजनिक ऋण २६ खर्ब ६९ अर्ब रुपैयाँ पुगेको छ। आर्थिक वर्ष २०८०/८१ को अन्त्यसम्म यो ऋण २४ खर्ब ३८ अर्ब रुपैयाँ थियो ।


सार्वजनिक ऋण व्यवस्थापन कार्यालयका अनुसार गत आर्थिक वर्षमा मात्रै दुई खर्ब ३१ अर्ब रुपैयाँ ऋण थपिएको छ ।

 
यो वृद्धिमा एक खर्ब ५२ अर्ब रुपैयाँ वास्तविक ऋण थपिएको हो भने बाँकी ६६ अर्ब ९३ करोड रुपैयाँ विदेशी मुद्राको विनिमय दर उच्च भएकाले थपिएको दायित्व हो ।


सरकारले आर्थिक वर्ष २०८०/८१ मा ५ खर्ब ४७ अर्ब रुपैयाँ ऋण उठाउने लक्ष्य राखेको थियो। तर, त्यसअनुसार ४ खर्ब ५६ अर्ब रुपैयाँ मात्र ऋण उठाइएको छ ।


आन्तरिक ऋणमा लक्ष्य अनुसार उठान, बाह्य ऋणमा कमी


उक्त वर्ष सरकारले ३ खर्ब ३० अर्ब रुपैयाँ आन्तरिक ऋण उठाउने लक्ष्य राखेको थियो, जुन पूर्ण रूपमा उठाइएको हो । 


तर, बाह्य ऋणको लक्ष्य २ खर्ब १७ अर्ब रुपैयाँ भए पनि ५७ प्रतिशत मात्रै उठाइएको छ। परिणामस्वरूप एक खर्ब ५२ अर्ब रुपैयाँ मात्र बाह्य ऋण संकलन गरिएको हो।


सावा फिर्ता पनि उल्लेखनीय


गत आर्थिक वर्षमा २ खर्ब ९२ अर्ब रुपैयाँ बराबरको सावा फिर्ता गरिएको छ । 


यसमध्ये २ खर्ब ४३ अर्ब ९१ करोड रुपैयाँ आन्तरिक ऋणको र ४८ अर्ब ५६ करोड रुपैयाँ वैदेशिक ऋणको सावा तिरिएको हो ।


हालको ऋण अवस्था


हाल सरकारको कुल सार्वजनिक ऋणमध्ये आन्तरिक ऋण १२ खर्ब ६३ अर्ब रुपैयाँ र बाह्य ऋण १४ खर्ब एक अर्ब रुपैयाँ पुगेको छ ।
वित्तीय अनुशासन, ऋण व्यवस्थापनमा सुधार र स्रोत परिचालनमा पारदर्शिता नआउँदासम्म यो ऋण भार अझै बढ्न सक्ने अर्थविद्हरूको भनाइ छ।

asteriskhubs
Home Page Bottom Second


nuhadya 1147
binod rajbhandari
Yogesh Khadgi KMC 27
maharjan complex
ramkrisna naya bachat
dev dai naya bachat
kmc 12 bala
bagmati gaupalika