काठमाडौं । नेपालले यू–१९ एसिया कप क्रिकेटको अन्तिम खेलमा यूएईमाथि सानदार जित हासिल पारेको छ ।
नेपालले यूएईमाथि १६० रनको फराकिलो जित हात पारेको छ । यूएईले ३४.४ ओभरमा सबै विकेटको क्षतिमा १२५ रन मात्रै बनाएको छ ।
यूएईका लागि व्रित्य अरविन्दले सर्वाधिक २८ रन बनाए भने बलिङतर्फ नेपालका सागर ढकालले तीन विकेट लिदा, राशिद खान, पवन सर्राफ र सुर्य तामाङले समान २–२ विकेट लिए ।
रोहित कुमारले तेस्रो विकेटका लागि आशिफ शेखसँग ७१ र चौथो विकेटका लागि सन्दीप जोरासँग ८५ रनको साझेदारी गरे र ६७ रनमा आउट भए ।
आशिफले ४५ र सन्दीपले ४८ रन बनाए । भीम सार्की मात्र एक रनमा आउट भए । कुशल मल्ल २२ रनमा आउट भए, जतिबेला नेपालको स्कोर २०६÷७ थियो ।
आठौं विकेटका लागि रासिद खान र कमल सिंह ऐरीले ७० रनको उत्कृष्ट साझेदारी गरे । राशिद ४४ रनमा आउट भए भने कलमसिंहले २५ बलमा ४१ रन बनाए । सागर ढकाल २ रनमा नटआउट रहे ।
Categorized in मनोरन्जन