काठमाडौं । सत्तारुढ नेपाल कम्युनिस्ट पार्टी (नेकपा) प्रदेश ३ को संसदीय दलले प्रदेशको नाम बागमती र राजधानी हेटौडा राख्ने निर्णय गरेको छ ।
मुख्यमन्त्री डोरमणि पौडेलको निवासमा शुक्रवार बसेको संसदीय दलको बैठकले सो निर्णय गरेको हो ।
संसदीय दलले नेकपाका सचिवालयको निर्देशनअनुसार प्रदेशको नाम वाग्मती र राजधानी हेटौंडा राख्न लिखित निर्णय गरेको छ ।
सो निर्णयप्रति असन्तुष्ट सांसदहरुले भने फरक मत राखी आफ्ना विचारहरु दर्ता गरेको संसदीय दलका प्रमुख सचेतक रामेश्वर फुयाँलले बताए ।
यो निर्णयसँगै अब प्रदेशको नाम र राजधानीका विषयमा नेकपाले प्रदेशसभामा एउटा मात्र प्रस्ताव दर्ता हुनेछ र सोहीमा मतदान पनि हुने प्रदेश ३ का मुख्यमन्त्री डोरमणि पौडेलले बताएको अनलाईनखवरटडकममा प्रकासित समाचारमा उल्लेख छ ।
यता पहिचान पक्षधरहरुले भने प्रदेशको नाम र राजधानीप्रति कडा आपत्ती जनाउँदै विरोधसभाहरु गरिरहेका छन ।
नेवाःताम्मासालिङ प्रदेशको माग गर्दै काठमाडौका नारा जुलुस तथा सभाहरु भईरहेको छ ।
प्रदेशसभामा नेकपा एक्लैको बहुमत छ ।
Categorized in राष्ट्रिय