काठमाडौं । नेकपा एमालेको विधान महाधिवेशन ललितपुरको गोदावरीमा शुरु भएको छ ।
गोदावरीस्थित अन्तर्राष्ट्रिय सम्मेलन केन्द्रको हलमा सुरु भएको अधिवेशन ३ दिनसम्म चल्ने बताइएको छ ।
विधान महाधिवेशनमा देशभरका ६ हजारभन्दा बढी प्रतिनिधि सहभागी छन । पहिलो दिन अध्यक्ष ओलीले राजनीतिक प्रतिवेदन, महासचिव ईश्वर पोखरेलले संगठनात्मक प्रस्ताव र उपमहासचिव एवं संगठन विभाग प्रमुख विष्णु पौडेलले विधान संशोधन प्रस्ताव पेश गर्नेछन ।
शनिबार समूहगत रुपमा छलफल गरी आवश्यक सुझावसहित ती प्रतिवेदनहरु पारित हुने एमाले प्रवक्ता प्रदीप ज्ञवालीले बताए ।
एमालेको राष्ट्रिय महाधिवेशन भने आगामी मंसिरमा तय भएको छ ।
Categorized in राष्ट्रिय