काठमाडौं । निर्वाचन आयोगले विहिवारबाट राजनैतिक दल दर्ता सुरु गरेको छ ।
पहिलो दिन ३ वटा दलले दल दर्ता गरेको आयोगका प्रवक्ता शालिग्राम शर्मा पौडेलले जानकारी दिए । नियमित प्रेस व्रिफिङको क्रममा सो जानकारी दिँदै आयोगमा १०६ वटा दल पुगेको बताए ।
जनता प्रगतिशील पार्टी नेपाल, सामाजिक एकता पार्टी र नागरिक उन्मुक्ति पार्टीको दल दर्ता भएको प्रवक्ता शर्माले बताए ।
सरकारले वैशाख ३० गतेका लागि स्थानीय तहको निर्वाचन घोषणा गरेपछि आयोगले दल दर्ताका लागि आह्वान गरेको थियो । दल दर्ताका लागि फागुन १५ गतेसम्मको समय तोकिएको छ ।
प्रवक्ता पौडेलले मतपत्र छपाइका लागि आवश्यक पर्ने कागजको स्पेसिफिकेसन र लगत अनुमान स्वीकृत गरी खरिद प्रक्रिया अगाडि बढाइएको बताए ।
Categorized in स्थानिय