नाष्टले नेपालीस्याट–१ नामको भूउपग्रह प्रक्षेपण गर्ने
काठमाडौं । नेपाल विज्ञान तथा प्रविधि प्रज्ञा प्रतिष्ठान (नाष्ट)ले नेपालीस्याट–१ नामक भूउपग्रह प्रक्षेपण गर्ने भएको छ ।
आउँदो बैशाख ४ गते भूउपग्रह प्रक्षेपण गर्ने नाष्टले जनाएको छ ।
जापानको क्यूटेक विश्वविद्यालयले नेपालका लागि पहिलो पटक निर्माण गरेको सो भूउपग्रह प्रक्षेपण गरिन लागिएको हो ।
करिव ४०० किलोमिटरमाथि आकाशबाट भूउपग्रह प्रक्षेपण गर्ने तयारी अघि बढेको नाष्टका उपकुलपति सानोबाबु श्रेष्ठले बताए ।
उपकुलपति श्रेष्ठका अनुसार नाष्टको कार्यालयमा विभिन्न योजना निर्माणको काम भइरहेको छ ।
नेपालले भावी दिनमा आफ्नै पहलमा सम्पूर्ण जानकारी लिन सक्ने छ । सो भूउपग्रहको माध्यमबाट अन्य देशले प्रक्षेपण गरेको अर्को भूउपग्रह नजिक पर्दा त्यसबाट पनि थप सेवा लिन सकिने बताईएको छ ।
Categorized in प्रबिधि
