नायः बचतले ८ प्रतिशत नगद लाभांश र ७ प्रतिशत शेयर बनोस दिने
काठमाडौं । नायः बचत तथा ऋण सहकारी संस्था लिमिटेड बौद्धजोरपाटीले आफ्ना शेयरधनीहरुलाई १५ प्रतिशत लाभांश दिने भएको छ ।
सहकारी अध्यक्ष रामकृष्ण खड्गीले ८ प्रतिशत नगद लाभांश र ७ प्रतिशत शेयर बोनस दिने जानकारी दिएको छ । सहकारीको १० औं साधरणसभाको उपलक्ष्यमा सेयर बोनस दिने भएको हो ।
कोरोना महामारीकै विचमा साधारणसभा गर्नु पर्ने भएकोले विगत जस्तो उत्कृष्ट बचतकर्ता, उत्कृष्ट ऋणी लगायतका सम्मान कार्यक्रमहरु नहुने अध्यक्ष खड्गीले बताए ।
कोरोनाकाल भएपनि सहकारी घाटामा नगएको र नाफामै रहेको खड्गीले भने,‘ हामीले सहकारीको लगानी विशेष गरी उत्पादनमूलक कार्यमा लगानी गरेका छौ । त्यसैले पनि सहकारी घाटामा नगएको हो ।’
सहकारीको १० औं साधरणसभा पुष १८ गते शनिवार सिमिति शेयरधनी तथा सदस्यहरुको उपस्थितीमा गरिने सहकारीका उपाध्यक्ष देवनारायण खड्गीले बताएका छन ।
उपाध्यक्ष खड्गीका अनुसार साधारणसभा २५ गते सम्पन्न हुने गरी स्टेप वाई स्टेप गरिने भएको हो ।
Categorized in सहकारी
