नबिल नारी उद्यमी सीड क्याम्प हुने
काठमाडौ । नविल बैंकले ल्याएको नबिल नारी उद्यमी योजना अन्तर्गत नाविल नारी उद्यमी सीड क्याम्प हुने भएको छ ।
नबिल बैंक र उद्यमी इनोभेसनको संयुक्त आयोजनामा हुन गईरहेको सो क्याम्पको लागि नयाँ सोचसहितको योजनाको लागि आवेदन समेत माग गरिएको छ ।
बैकद्धारा आयोजित पत्रकार सम्मेलनमा क्याम्पबारे प्रमुख कार्यकारी अधिकृत अनिल केशरी शाहले क्याम्प महिलाको लागि विशेष अवसर भएको बताए ।
इनोभेसनको प्रोग्राम संयोजक प्रभा तिमिल्सिनाले क्याम्पले व्यवसायिक सोच भएका तथा नविन सोचका साथ अघि बढ्ने नारीहरुलाई यस क्याम्पले सहयोग गर्ने जानकारी दिए ।
यस क्याम्पमा भाग लिनको लागि कम्तिमा एक महिला सहसंस्थापक हुनु पर्ने छ । दुईदेखि चार जनाको समूहले आफ्नो नबिन सोचसहित आवेदन पेश गर्न सक्नेछ ।
क्याम्पमा सहभागीहरुलाई समाजका सफल उद्यमीहरुको अनुभव र दक्ष प्रशिक्षकहरुले एक हप्ते व्यवसायिक तालिम प्रदान गरेकाहरुले एक महिनासम्म आफ्नो व्यवसायिक योजनामा काम गर्ने छन ।
यस योजनामा २० वटा उत्कृष्ट व्यावसायिक योजनाहरु छनौट भएपछि अर्को चरणमा जाने छ ।
Categorized in बैंक
