काठमाडौं । अज्ञात समुहले जुम्लाको चन्दनाथ नगरपालिकाको गाडी गएराती जलाएको प्रहरीले जनाएको छ ।
जिल्ला प्रहरी कार्यलय जुम्लाका अनुसार नगरपालिकाको प्राङ्गणमा राखिएको क.झ १ नंको गाडी राति एक बजे जलाएको हो ।
नगरपालिकाका पाले बिष्णुप्रसाद न्यौपानेले गाडी आगलागी भएको थाहा पाई होहल्ला गरेपछि सबै जम्मा भएर आगो निभाउने प्रयास गरेको थियो । गाडीको माथिल्लो भाग पुरै जलेको छ ।
जलेको गाडी रु ४० लाख बराबरको भएको निमित्त प्रशासकीय अधिकृत ज्ञानेन्द्र बुढ्थापाले बताए । नगरपालिकाका प्रमुख र प्रमुख प्रशासकीय अधिकृत रारा भ्रमणमा गएको नगरपालिकाले जनाएको छ ।
Categorized in समाज
