नक्कली भुटानी शरणार्थी प्रकरणमा फरार तुलाधर पक्राउ
प्रकाशित: विहिवार, २८ असार २०८०, १३ः२० बजे
- महानगरखबर
काठमाडौं । नक्कली भुटानी शरणार्थी प्रकरणमा ठगी गर्ने समूहका थप एक जना पक्राउ परेको छ ।
प्रहरीले काठमाडौं महानगरपालिका वडा नं. ३० घर भई हाल कामपा १६ वडा नयाँ बजार, खुसीबु बस्ने बर्ष ५९ का केशव तुलाधरलाई पक्राउ गरेको हो ।
नेपाली नागरिकहरूलाई भुटानी शरणार्थी बनाई अमेरिका पठाउने भनि विभिन्न किसिमका प्रलोभनमा पारी विश्वास दिलाई जाहेरवाला गजेन्द्र बुढाथोकी लगायतका व्यक्तिहरूलाई ठगी गर्ने कार्यमा संलग्न रही फरार रहेका थिए ।
उनलाई प्रहरीले हिजो बुधवार सानो भ¥याङबाट पक्राउ गरी ठगी तथा संगठित अपराध समेतको कसुरमा आवश्यक कारबाहीको लागि जिल्ला प्रहरी परिसर टेकु, काठमाण्डौमा लगिएको छ ।
Categorized in समाज
