काठमाडौं । प्रहरीले धादिङको गजुरीमा सवारी चेकजाँचको क्रममा चार केजी सुनसहित ३ जनालाई शुक्रवार पक्राउ गरेको छ ।
पक्राउ पर्नेमा रसुवाको उत्तरगया गाउँपालिका–३ का २७ वर्षीय सञ्जीत वाइबा, नुवाकोटको तारकेश्वर गाउँपालिका–५ का २२ वर्षीय सुरेन्द्र तामाङ र सोही स्थानका २४ वर्षीय विकास तामाङ रहेका प्रहरी उपरीक्षक डम्बरबहादुर विकले जानकारी दिए ।
गल्छीबाट मलेखुतर्फ जाँदै गरेका बा ८७ प ७७३१ र प्रदेश नम्बर ३ ०२–००३ प २५४० नम्बरका मोटरसाइकलबाट उक्त सुन बरामद गरेको थियो ।
Categorized in पत्रपत्रिका