काठमाडौं । उपत्यकाको ऐतिहासिक सम्पदा धरहरा पुननिर्माण रोक्न माग गर्दै बुधवार राजधानीमा प्रदर्शन भएको छ ।
धरहरा पुननिर्माणको नाममा व्यापारिक कम्पलेक्स बनाउन खोजेको भन्दै स्थानीय, सम्पदाप्रेमीहरुले नाराजुलुस गरेको छ ।
प्रदर्शनकारीहरुले सुन्धारा मासेर ‘झल्के टावर’ बनाउन खोजेको आरोप लगाएको छ । प्रदर्शनकारीहरुले सम्पदा मास्न पाईदैन, धराहरा पुननिर्माण रोक, पुरानै धरहारा पुननिर्माण गर, ऐतिहासिक सुन्धरा संरक्षण गर लगायतको नारा लेखेको प्लेकार्ड बोकेर प्रदर्शन गरेको थियो ।
प्रदर्शनका क्रममा प्रहरी हस्तक्षेप भएपछि प्रदर्शनकारी र प्रहरीविच घम्साघम्सी समेत भएको थियो ।
उनीहरु प्रहरी दमन मुर्दावाद भन्दै नारावाजी समेत गरेका थिए ।
सम्पदा अभियान्ता यादव लाल कायस्थले धरहरा सम्पदा मासेर झिल्के टावर बनाउन खोजेको भन्दै विरोधमा उत्रेको बताए ।
Categorized in सम्पदा/संस्कृति