दोलखाका ५ स्थानीय तहलाई एम्बुलेन्स
काठमाडौं । दोलखा जिल्लाको ५ स्थानीय तहलाई नेपाली कांग्रेसका नेता एंव सङ्घीय सांसद जिपछिरिङ लामाले एम्बुलेन्स हस्तान्तरण गरेका छन् ।
लामाले दोलखाको तामाकोशी गाउँपालिका–३ जफे, कालीञ्चोक गाउँपालिका–९, जिरी नगरपालिका–१, मेलुङ गाउँपालिका–६ र विगु गाउँपालिकको स्वामित्वमा सञ्चालन हुने गरी एक – एक वटा एम्बुलेन्स हस्तान्तरण गरेको हो ।
ग्रामीण क्षेत्रका विरामीलाई सहस यातायातको सुविधाको लािग सो एम्बुलेन्स हस्तान्तरण गरेको सांसद लामाले एक कार्यक्रमविच बताए ।
उनले एम्बुलेन्स खरीदमा आफू सांसद भएपश्चात्को तलबभत्ता रकम खर्च गरेको बताए ।
समाजसेवी एवं सांसद लामाले आफ्ना आमाबुबाको नाममा स्थापना गरेको तेङ्मा दाडोमा लामा स्मृति प्रतिष्ठानको नामबाट एम्बुलेन्स हस्तान्तरण गरेको हो ।
Categorized in स्वास्थ्य
