देशभर १० हजार ८८८ मतदानस्थल निर्धारण
प्रकाशित: सोमवार, २० भाद्र २०७९, १९ः४० बजे
- महानगरखबर
काठमाडौं । निर्वाचन आयोगले मंसिर ४ गते हुने प्रतिनिधिसभा र प्रदेशसभा निर्वाचनको लागि देशभर १० हजार ८८८ मतदानस्थल निर्धारण गरेको छ ।
यसअघि देशभरका जम्मा १० हजार ७५६ मतदान स्थल रहेकोमा थप १३२ मतदानस्थाल थपिएको हो ।
मतदानस्थल पुनरावलोकन गर्दा समग्रमा १ हजार १२३ मतदानस्थलमा केही न केही परिवर्तन गरिएको छ ।
देशभरका ४०१ मतदान स्थललाई हटाइ नयाँ मतदानस्थल निर्धारण गरिएको अयोगले जनाएको छ ।
साविकका ३६५ मतदान स्थलबाट सबै मतदाता स्थानान्तरण गरी ३६४ मतदानस्थल निर्धारण गरिएको छ भने १६३ मतदानस्थलबाट आंशिक मतदाता स्थानान्तरण गरी १६९ मतदानस्थल निर्धारण गरिएको हो ।
Categorized in राष्ट्रिय
