काठमाडौं । फरार रहेका दुुर्गा प्रसाई भारतमा पक्राउ परेका छन ।
गत चैत १५ गते काठमाडौंको तीनकुनेमा भएको राजवादी प्रदर्शनको क्रममा भएको घट्नापछि फरार रहेका प्रदर्शनका कमाण्डर प्रसाईलाई प्रहरीले पक्राउ गरेको हो ।
फरार रहेका प्रसाईले यसबीचमा सामाजिक सञ्जालबाट आफु नेपालमै रहेको भिडियो पोस्ट गर्दै आफू फरार नरहेको बताउँदै आएका थिए ।
यता दुुर्गा प्रसाईको सचिवालयले प्रसाईंले आसाम राज्यको प्रहरीसमक्ष आत्मसमर्पण गरेको बताएको छ ।
‘अहिले २ घण्टा अगाडि हाम्रा अभियानका संयोजक श्री दुर्गा प्रसाईंलेज्यूले आफ्नो सुरक्षाका लागि आफैँ भारतको आसाम राज्यको प्रहरीसमक्ष आत्मसमर्पण गर्नु भएको छ’, उनको सचिवालयले बिहीबार राति फेसबुकमार्फत भनेको छ ।
हिजो आफूहरुले भिडियो मार्फत ज्यानको सुरक्षाको ग्यारेन्टी भए २४ घण्टाभित्र उपस्थित हुने भनेको र आज उपस्थित भएको सचिवालयको भनाइ छ ।
राष्ट्र, राष्ट्रियता, धर्म संस्कृति तथा नागरिक बचाउ महाभियानका संयोजक रहेका प्रसाईंमाथि चैत १५ गते तीनकुनेमा हिंसा भड्काएको आरोप छ ।
Categorized in समाज
