काठमाडौं । दुर्घटना् ग्रस्त चाइना इस्टर्न एयरलाइन्सको जहाजको ब्ल्याक बक्स भेटिएको छ ।
समाचार संस्था सिन्ह्वाले बुधबार दिउँसो ब्ल्याक बक्स भेटिएको जनाएको छ ।
सोमबार दुर्घटनामा परेको जहाजको ब्ल्याक बक्स खोज्ने काम बुधबार रोकिएको छ । कुनमिङदेखि ग्वान्जाओ उडेको बोइङ ७३७÷८०० एनजी मोडलको जहाज दिउँसो गुआङ्ग्सी प्रान्तको जंगलमा दुर्घटनामा परेको थियो ।
२९ हजार फिटमाथि उडिरहेको जहाज केही सेकेन्डभित्रै ७ हजार फिटको उचाइमा पुगेको थियो ।
१२३ यात्रु र ९ जना चालक दलका सदस्यहरुको अवस्था अज्ञात छ । उनीहरू सबै जलेको हुन सक्ने अनुमान गरिएको छ । यात्रु पर्स र आइडी कार्ड भने दुर्घटनास्थलमा जहाजका टुक्रासँगै फेला परेका छन ।
Categorized in अन्तर्राष्ट्रिय