काठमाडौं । भारतको राजधानी दिल्ली सरकारले साताको दुई दिन शनिवार र आईतवार कर्फ्यु लगाएको छ ।
कोरोनाको संक्रमण तीव्र रुपमा बढेपछि दिल्लीका उपमुख्यमन्त्री मनीष सिसोदियाले उक्त दुई दिन कफ्र्यु जारी गरिएको पत्रकार सम्मेलनमा जानकारी दिए ।
अत्यन्त जरुरी काम भएमात्रै घरबाहिर निस्किन उप–मुख्यमन्त्री सिसोदियाले आग्रह गरेका छन साथै सबै सरकारी अधिकारीहरुले घरबाटै काम गर्ने पनि जानकारी दिए ।
निजी संस्थाहरुले पनि ५० प्रतिशत कर्मचारीहरुले घरबाट काम गर्नुपर्ने बताए । यसअघि दिल्लीमा रात्रिकालीन कफ्र्यु जारी गरिएको थियो । दिल्लीका मुख्यमन्त्री अरविन्द केजरीवाल पनि कोरोनाबाट संक्रमित छन ।
महाराष्ट्रको राजधानी मुम्बईमा प्रतिबन्धका विच पनि कोरोना संक्रमण दर बढ्ने क्रम जारी छ ।
त्यसैगरी संक्रमण बढेपछि बिहारमा ६ जनवरी (बिहीबार)देखि लागू हुने गरी राज्यभरका प्री–स्कूल र कक्षा एकदेखि कक्षा आठसम्म अनलाइनमार्फत पढाइने भएको छ ।
यसैगरी कक्षा नौदेखि १२ सम्मका ५० प्रतिशतको उपस्थितिमा मात्रै पढाइ हुने छ । सिनेमा हलहरु ५० प्रतिशत क्षमतामा मात्र सन्चालन गर्न पाइने छ भने बिहेमा पनि सहभागी हुनेहरुका लागि निश्चित संख्या तोकिएको छ ।
यो नयाँ प्रतिबन्ध २१ जनवरीसम्म जारी रहने बताईएको छ ।
Categorized in अन्तर्राष्ट्रिय