दिल्लीमा महिलालाई निःशुल्क बस सेवा प्रदान गरिदै
काठमाडौं । छिमेकी देश भारतको राजधानी दिल्लीमा महिलालाई निःशुल्क बस सेवा प्रदान गरिने भएको छ ।
दिल्लीका मुख्यमन्त्री अरविन्द केजरीवालले महिललालाई सार्वजनिक यातायातमा निःशुल्क सेवा प्रदान बार्षिक १ अर्ब १५ करोड खर्च गरिने जनाएको छ ।
यस सेवाबाट दश लाख महिला सार्वजनिक यातायातबाट लाभावान्ति हुने दिल्ली सरकारको विश्वास रहेको छ । यो योजना आगामी दुईदेखि तीन महिनाभित्रमा लागु हुने राज्य सरकराले जनाएको छ ।
राज्यका करिब एक लाख ५० हजार सार्वजनिक यातायातमा सीसीटीभी क्यामेरा जडान गरि महिलालाई सुरक्षित यात्रा गराउने भएको छ ।
नयाँ दिल्लीमा सन २०१२ मा एउटा निजी बसमा विद्यालयबाट घर फर्किरहेका समय एक छात्रामाथि सामूहिक बलात्कारपछि हत्या गरिएपछि यसलाई महिलाको सुरक्षाका दृष्टिकोणले असुरक्षित भएको महशुस गरिँदै आएको थियो ।
Categorized in अन्तर्राष्ट्रिय
