काठमाडौं । दार्चुलाको मार्मामा स्वास्थ्यचौकीमा कार्यरत कार्यालय सहयोगी अंगवीर सिंह ठगुन्नाको मंगलबार हत्या भएको प्रहरीले जनाएको छ ।
मार्मा गाउँपालिका–१ घोल्जर घर भई गुल्जर स्वास्थ्यचौकीमा कार्यरत ४६ वर्षीय ठगुन्नाको हत्या भएको जिल्ला प्रहरी कार्यालय दार्चुलाले सञ्चारमाध्यमहरुलाई जानकारी दिएको हो ।
ठगुन्नाको घरमै हत्या भएको घटनास्थल पुगेको प्रहरीको भनाई छ ।
ठगुन्नाको साथमा रहेको रु १० लाखसमेत हत्याराले लुटेर लगेको स्थानीयवासी दिनेश सिंहले बताएका छन् ।
एक्लै घरमा बस्ने ठगुन्नाको सुतिरहेको अवस्थामा हत्या गरिएको हो । उनको टाउकोमा घाउ छ ।
ठगुन्नाका श्रीमती र छोरा तराइतिर बस्दै आएका छन । घरमा पठाउनका लागि जम्मा गरेको रु १० लाखकै कारण ठगुन्नाको हत्या भएको हुन सक्ने प्रहरीको प्रारम्भिक अनुमान छ ।
Categorized in समाज
