काठमाडौं । दशै तिहारलाई लक्षित गरी सञ्चालनमा ल्याउन लागेको सुपथ मुल्य पसलमा उपभोक्तालाई छुटैछुट दिने भएको छ ।
सुपथ मूल्य पसलमा दाल, चामल, तेल, घिउ, नुन, चिनी, खसीबोका लगायतका समानमा विशेष छुट दिन लागेको हो ।
कर बाहेक चिनी प्रतिकिलो ५७ रुपियाँ पाईने भएको छ । स्वेदशमै उत्पादन भएको तेल र घीउमा प्रतिलिटर ३ रुपियाँ छुटको व्यवस्था गरेको छ ।
बाहिरबाट ल्याने तेलमा भने प्रतिलिटर ३० रुपयाँ सम्म छुट दिईने भएको छ ।
त्यसैगरी, सरकारी उद्योगबाट उत्पादन भएको मसलमा १० रुपियाँ छुट दिने भएको छ । नेपाल खाद्य संस्थानले चामलहरुमा छुटको व्यवस्था गरेको छ ।
संस्थानले सानो मन्सुली चामल ४० रुपैयाँ प्रति किलोमा उपलब्ध गराउने भएको छ । जीरा मसिनो चामल ५५ रुपैयाँ, वास्मती चामल ८१ रुपैयाँ, गोरखनाथ चामल ३८ रुपैयाँ, जापानीज चामल ७० र ७५ रुपैयाँ प्रतिकिलोमा उपलब्ध गराउने भएको छ ।
निजी क्षेत्रका दाल, चामल उद्योग र तीनका थोक तथा खुद्रा विक्रेताले पनि दाल र चामलमा प्रति किलो ३ रुपैयाँ छुट दिने आपूर्ति मन्त्रालयले जनाएको छ ।
साल्ट ट्रेडिङ कर्पोरेशन कम्पनीले नुन प्रतिकिलो १८ रुपियाँमा उपलव्ध गराउने भएको छ । दुग्ध विकास संस्थानले घिउ प्रति किलो ८५० रुपैयाँ र पनिर प्रति किलो ६१० रुपैयाँमा उपभोक्तालाई दिनेछ ।
यही असोज १२ गते देखि सरकारले उपत्यकामा १२ वटा र उपत्यका बाहिर २४ स्थानबाट सुपथ मुल्यको पसल सञ्चालन गरी उपभोक्तलाई सेवा दिने भएको छ ।
Categorized in किनमेल