काठमाडौं । बाजुरा जिल्लाको खापर गाउँपालिका – ३ बाट १० बर्ष अघि हराएको बालक काठमाडौंमा भेटिएपछि उनको परिवारमा खुसी छाएको छ ।
नौ वर्षको उमेरमा २०६५ भदौ १२ गते बेवारिसे अवस्थामा फेला पारिएका देवा लुहारको काठमाडौंको केन्द्रिय बालकल्याण समितिमा पालनपोषण भएको थियो ।
लुहारलाई जिल्ला बाल कल्याण समितिका तत्कालीन बालअधिकार अधिकृत सर्पलाल गिरीको पहलमा उद्धार गरी काठमाडौं ल्याएको थियो ।
यसैविच जिल्ला प्रशासन कार्यालय बाजुराले कोल्टीमा नागरिकता वितरणका लागि घुम्ती शिविर आयोजना गरेको थाहा पाएपछि बाजुरा घर हो भन्ने थाहा पाएका लुहार नागरिकता बनाउन काठमाडौँबाट बाजुरा आएर र नागरिकता समेत लिएका छन् ।
घरपरिवार पत्ता लागेपछि स्वामीकार्तिक–३ का वडाध्यक्ष वीरजित कट्टेल, बूढीनन्दा नगरपालिका–४ का अध्यक्ष राजन रोकाया र रेडियो बूढीनन्दाका अध्यक्ष सर्पलाल गिरीको रोहवरमा उनलाई बुवा सर्पलाल लुहारको जिम्मा लगाइएको छ ।
Categorized in समाज
