दक्षिण कोरियामा कोरोना भाईरसको त्रासमा ४४ हजार नेपाली
काठमाडौं । दक्षिण कोरियामा रहेका नेपालीहरु कोरोना भाईरसको त्रास बढेको छ ।
कोरियामा पनि यतिखेर कोरोना भाईरसको संक्रमण बढेपछि त्यहा रहेका ४४ हजार नेपाली प्रभावित बन्न पुगेको समाचारहरु प्रकाशित हुन थालेको छ ।
कोरियाको थेगु सहरका कोरोनबाट बढी प्रभावित रहेको कोरियाको सियोलस्थित नेपाली राजदूतावासले बताएका छन । यो शहरमा करिब १ हजार नेपाली कार्यरत रहेको अनुमान गरिएको छ ।
दूतावासका श्रम कन्सुलर डिल्लिराम बास्तोलाका अनुसार देशभर आइतबार मध्यान्हसम्म ५५६ जना संक्रमित भेटिएको छ भने ४ जनाको मृत्यु भएको छ ।
कोरिया सरकारले उच्च सतर्कता जनाउँदै नागरिकलाई सचेत बनाउने काम गरिरहेको छ । भीडभाडमा ननिस्कन भनेर सूचना जारी गरिरहेको छ । सार्वजनिक स्थानहरु सुनसान बन्दै गएका छन ।
आइतबार नेपाली दूतावासले पनि कामदारलाई सुरक्षित रहन र स्वस्थ्यमा समस्या आए नजिकको स्वास्थ्य संस्थामा पुगेर जाँच गराउन आग्रह गरेको छ ।
कोरियामा रहेका ४४ हजार नेपालीहरु समध्ये ३६ हजार ईपीएस भाषा परीक्षा पास गरेर कोरिया पुगेकाहरु छन भने विद्यार्थीसहित अन्य विभिन्न प्रक्रियाबाट त्यहाँ पुगेकाहरु पनि छन ।
थेगु र आसपासका शहरहरुमा करिब ७ हजार नेपाली कार्यरत रहेको अनुमान छ ।
Categorized in अन्तर्राष्ट्रिय
