काठमाडौं । नक्कली भुटानी शरणार्थी प्रकरणा पक्राउ परेका टोपबहादुर रायमाझी र बालकृष्ण खाँणसहित १८ जनलाई काठमाडौं जिल्ला अदालत लगिएको छ ।
आईतवार उनीहरुलाई थुनछेक बहसका लागि अदालतमा उपस्थित गराइएको हो । नेपाली नागरिकहरुलाई नक्कली भुटानी शरणार्थी बनाएर अमेरिका पठाउने काममा संलग्न भएका आरोपमा पक्राउ परेकाहरुसँगको बयान शुक्रबार सकिएको थियो ।
नक्कली भुटानी शरणार्थी प्रकरणमा गृह मन्त्रालयका तत्कालीन सचिव टेकनारायण पाण्डे, तत्कालीन गृहमन्त्री रामबहादुर थापाका सुरक्षा सल्लाहकार इन्द्रजीत राई, भुटानी शरणार्थी नेता टेकनाथ रिजाल, केशव दुलाल र सानु भण्डारीलगायत १८ जनासँग काठमाडौं जिल्ला अदालतका न्यायाधीश प्रेमप्रसाद न्यौपानेलगायतले वयान लिएका थिए ।
Categorized in राष्ट्रिय