काठमाडौं । नेपाल सरकारले कोभ्याक्स सुविधा अन्तर्गत थप ६ लाख ६४ हजार ५६० डोज फाइजर खोप प्राप्त गरेको छ ।
नेपालले कोभिड–१९ विरुद्धको सो खोप शुक्रवार काठमाडौं आईपुगेको हो । अहिले खोप टेकुको भण्डारण कक्षमा राखिएको छ । फाइजर खोप माइनस ७० डिग्रीसम्म भण्डारण गर्नुपर्ने हुन्छ ।
सरकारले १३ पुसदेखि काठमाडौं उपत्यकासहितका ८ जिल्लामा र केही दिनभित्र बाँकी १२ जिल्लामा १२ देखि १७ वर्ष उमेर समूहका बालबालिकालाई फाइजर खोप लगाउने कार्यतालिका सार्वजनिक गरेको छ ।
Categorized in स्वास्थ्य