काठमाडौं । गएराती तीनकुनेमा तीन वटा सवारी ठोक्किंदा मोटरसाइकलमा सवार एक युवतीको मृत्यु भएको छ ।
प्रहरीका अनुसार मृत्यु हुनेमा ललितपुरको लेले घर भएकी २२ वर्षीया रिता नेवार हुन ।
उनको उपचारको क्रममा बुधबार राति केएमसी अस्पताल सिनामंगलमा उनको मृत्यु भएको हो । उनी प्र.३–०३–००१ प ९७३६ नम्बरको मोटरसाइकलमा सवार थिइन् ।
तीनकुनेस्थित सडकमा उक्त मोटरसाइकललाई बा–०३–००१ क ११७५ नम्बरको टिपरले ठक्कर दिँदा उक्त मोटरसाइकल बा५ख १५४६ नम्बरको बसमा ठोक्किएको थियो ।
प्रहरीले बस र टिपरका चालकलाई नियन्त्रणमा लिएर अनुसन्धान सुरु गरेको छ ।
27 Ferbury 2025, Thursday
Categorized in समाज
