तिस लाख धरौटी बुझाएर रिहा भए बालकृष्ण खाँण
काठमाडौं । नक्कली भुटानी शरणार्थी प्रकरणमा थुनामा रहेका पूर्वगृहमन्त्री बालकृष्ण खाँण रिहा भएका छन ।
पूर्वगृहमन्त्री खाँणलाई हिजो उच्च अदालतले पाटनले ३० लाख धरौटीमा रिहा गर्न आदेश दिएका थियो ।
तर अदालतले रिहा गर्ने आदेश दिएपनि प्रहरीले अनुसन्धानका लागि सम्पत्ति शुद्धीकरण विभाग र अख्तियार दुरुपयोग अनुसन्धान आयोगसमक्ष पनि सिफारिस गरेकाले उनी छुटेका थिएनन ।
शुक्रवार उनलाई अख्तियार दुरुपयोग अनुसन्धान आयोगले साधारण तारेखमा छाडेको छ ।
सम्पत्ति शुद्धीकरण अनुसन्धान विभागले पनि खाँणलाई १५ लाख रुपैयाँ धरौटीमा छाड्न आदेश दिएको छ ।
नक्कली भुटानी शरणार्थी प्रकरणका आरोपी पूर्वगृहमन्त्री बालकृष्ण खाँणले जिल्ला अदालत, काठमाडौंमा पुगेर धरौटी वापतको रकम अनुसारको बैंक ग्यारेन्टी पेश गरेका छन ।
नेपाली युवालाई भुटानी शरणार्थी बनाएर अमेरिका पठाइदिने भन्दै एउटा गिरोहले लाखौं रुपैयाँ उठाएर ठगी गरेको घट्नामा पूर्वमन्त्री खाँण पनि आरोपी थिए ।
उपत्यका अपराध अनुसन्धान कार्यालयको टोलीले खाँणसहित उनका स्वकीय सचिव नरेन्द्र केसीलाई २७ वैशाखमा उनको मैजुवहालस्थित घरबाट पक्राउ गरेको थियो ।
Categorized in राष्ट्रिय
