काठमाडौं । तारा एयरको टुईनेटर जाहाजभित्र एक यात्रुको निधन भएको छ ।
रारा विमानस्थलबाट नेपालगञ्जका लागि उडेको जहाजमा सवार मुगु जिल्ला सोरु गाँउपालिका–८ गिलाहाँ गाँउका अन्दाजी ३८ वर्षीय धिरबहादुर शाहीको मृत्यु भएको आफन्तले बताएका छन् ।
शनिवार दिउँसो १२ः३० बजे रारा विमानस्थलबाट नेपालगञ्जका लागि उडेको तारा एयरलाइन्सको 9N AET कलसाइनको उडान नं ७१६ जहाजमा शाहीको मृत्यु भएको हो ।
यता तारा एयरलाइन्स नेपालगञ्ज स्टेशनका स्टेशन म्यानेजर सूर्यमणि सुवेधीले यात्रु जहाँजभित्र अचेत भएको खबर आउना साथ बिरामीलाई गाडीबाट अस्पतालतर्फ लाँदै गर्दा मृत्यु भएको बताए ।
रारा विमानस्थल तारा एअरका स्टेशन इञ्चार्ज शेरबहादुर भामले मृतक शाहीका आफन्तलाई बिरामी मन्जुरी पत्रमा दस्तखत गराई तारा एअरको उडानबाट पठाइएको जानकारी दिएको छ ।
तर शाहीका आफन्तले भने यात्रु बीमाको दावी गर्दै क्षतिपूर्ति नपाउनन्जेलसम्म शव नबुझ्ने बताएका छन ।
तारा एअरको उडानमा मुगुबाट मृतक शाहीसहित १३ जना यात्रु रहेका थिए । आफन्तहरुले बिरामीको जहाजभित्र मृत्यु भएको बताएपनि विमानस्थलबाट अस्पतालतर्फ लैजाँदै गर्दा मृत्यु भएको दावी गरेको छ ।
बिरामी मन्जुरी पत्रमा सहमति नगराई यात्रामा रहेका कुनै यात्रुको जहाजभित्र मृत्यु भएमा उडान भर्ने कम्पनीले यात्रुलाई बीमा र क्षतिपूर्ती दिनुपर्ने प्रावधान नागरिक उड्डययन ऐनमा छ ।
Categorized in बजार
