काठमाडौं । उपत्यकाका दुई अलग–अलग स्थानमा लाखौँ रुपैयाँ बराबरको चोरी भएको छ ।
तारकेश्वर नगरपालिका–१० मा डेरा गरी बस्ने उदयपुरका २९ वर्षीय विक्रम लायो मगरको कोठामा बुधबार राति चोरी भएको हो ।
प्रहरीले जनाए अनुसार कोठाबाट सुनका विभिन्न गरगहना र नगद १ लाख ७० हजारसहित करिब ९ लाख ६ हजार रुपैयाँ बराबरको धनमाल चोरी भएको छ ।
त्यसैगरी ललितपुर महानगरपालिका–२५ खोकना दोबाटोस्थित मोहनकृष्ण महर्जनको पसलबाट बुधबार दिउँसो करिब २ लाख रुपैयाँ चोरी भएको प्रहरीले जनाएको छ ।
दुवै घटनामा संलग्न व्यक्तिहरुको खोजी भइरहेको प्रहरीले जनाएको छ ।
Categorized in समाज
