काठमाडौं । गएराती काठमाडौंको बालाजुमा कोठामा सुतिरहेका एक व्यक्तिमाथि तेजाव प्रहार भएको छ ।
प्रहरीका अनुसार तारकेश्वर नगरपालिका–४ पुरानो गुहेश्वरीमा कोठा लिएर बस्दै आएका २४ वर्षीय रामराजा थापामाथि तेजाब प्रहार भएको हो ।
नुवाकोट घर भएका उनीमाथि तेजाव कसले प्रहार गरेको भन्ने बारे खुल्न नसकेपनि सोधपुछका लागि श्रीमतिलाई प्रहरीले नियन्त्रणमा लिएको छ ।
डेरामा उनी आफ्नी श्रीमती र चार महिने बच्चासँगै कोठाको झ्याल ढोका लगाएर सबै सँगै सुतेको अवस्थामा अचानक तर राति उनको अनुहार र हातमा तेजाब प्रहार भएको छ ।
प्रहरीले घरपेटीसँग सोधपुछ गर्दा धेरै दिन नभए पनि श्रीमान–श्रीमती सधैजसो झैझगडा गर्ने गरेको प्रहरीलाई बताएका छन ।
थापाको अहिले टिचिङ अस्पतालमा उपचार भइरहेको छ ।
Categorized in समाज
