तस्वीरमा हेरौं राप्रपाको काठमाडौं प्रदर्शन
काठमाडौं । राष्ट्रिय प्रजातन्त्र पार्टी (राप्रपा)ले मंगलवार काठमाडौंमा बृहत जनप्रदर्शन गरेका छन ।
विभिन्न ४० बुँदे माग राखेर प्रदर्शनमा उत्रिएको राप्रपाका जनप्रदर्शनमा भएका सहभागी प्रदर्शनकारी भद्रकाली परिसरमा निषेधाज्ञा तोडेर अघि बढ्न खोज्दा झडप समेत भएको थियो ।
उनीहरु गणतन्त्र मुर्दावाज, राजतन्त्र जिन्दावादको नारा लगाउँदै भद्रकाली परिसर पुुगेका थिए । झडपको क्रममा प्रहरीले पानीको फोहोरा प्रहार गरी भीडलाई तितरबितर पारेको थियो ।
निषेधित क्षेत्र तोडेर अघि बढ्ने क्रममा झडप हुँदा १८ प्रदर्शनकारी घाइते भएको प्रहरीले जनाएको छ ।
ढुङ्गामुढा गरेको आरोपमा प्रहरीले तीन जनालाई पक्राउ गरेको छ । उनीहरूलाई अभद्र व्यवहार कसूरको मुद्दा चलाउने प्रहरीको तयारी छ ।
राप्रपा अध्यक्ष राजेन्द्र लिङ्देनको नेतृत्वमा गणतन्त्र र धर्मनिरपेक्षताको विरोधमा प्रदर्शन भएको थियो ।
तस्वीर: बिज्जु श्रेष्ठ/महानगरखबर
Categorized in राष्ट्रिय
