तलेजु भवानीको दर्शन गर्न सर्वसाधरणको भीड ! (फोटो फिचर)
काठमाडौं । हनुमानढोकास्थित आज दशैंको नवमीमा तलेजु भवानीको दर्शनको लागि लामो भीड लागेको थियो ।
दर्शनार्थीहरु लाइन लागेर पालैपालो तलेजु भवानीको दर्शन गरेका छन । गत वर्ष कोरोना संक्रमणको जोखिम बढी भएकाले तलेजुको मन्दिर बन्द गरिएको थियो ।
यस वर्ष भने कोरोना संक्रमण घटेको अवस्था र धेरैले खोप पनि लगाइसकेले दर्शनको लािग खुला गरिएको हनुमानढोका दरबार हेरचाह अड्डाले जनाएको छ ।
नेवार समुदायले इष्ट देवताको तलेजु भवानीलाई रुपमा पुज्ने गरिन्छ । दैवीशक्ति वा मातृशक्तिका रूपमा पनि पुजिने तलेजुलाई तुलजा पनि भन्ने गरिन्छ ।
तलेजु भवानीलाई फूलपातीको दिनदेखि नै मूल चोकमा ल्याइएको छ । मूलचोकमै राखेर महाअष्टमीको राति कालरात्रि पूजाका साथ ५४ बोका र ५४ राँगाको बलिसहित पूजा गरिएको थियो ।
विजयादशमीको दिनसम्म तलेजु भवानीलाई यहीं राखेर पूजा गरिन्छ । विजयादशमीको दिन पञ्चाङ्ग निर्णायक समितिले दिएको साइतमा भवानीलाई मूल मन्दिरतर्फ फर्काइन्छ ।
तस्वीरहरुः बिज्जु श्रेष्ठ/महानगरखबर
Categorized in सम्पदा/संस्कृति
