काठमाडौं । दुग्ध विकास संस्थान (डीडीसी) ले दूधको मूल्यमा प्रतिलिटर रु ११ रुपियाँ बढाएको छ ।
बढेको मुल्य भोली (विहिवार) देखि लागुन हुने संस्थानले जनाएको छ । मूल्य बढेसँगै डीडीसीले बजारमा विक्री गरिररहेको चार प्रकारको प्याकेटको दूधको मूल्यमा प्रतिलिटर रु ५ बढ्ने सक्ने संस्थानका सूचना अधिकारी राजेन्द्रप्रसाद अधिकारीको अनुमान छ ।
बोर्ड बैठक बसिरहेकोले मूल्य निर्धारण आजै बेलुकासम्म हुने उनको भनाई छ । अहिले बजारमा संस्थानले स्ट्याण्डर्ड दूध प्रति ५ सय एमएल ४३ रुपैयाँ, फूल क्रिम प्रतिप्याकेट ५७ र गाईको दूधको मूल्य ५१ रुपैयाँ छ । यस्तै लो फ्याट चिया दूधको मूल्य ४० रुपैयाँ छ ।
कृषि तथा पशुपन्छी विकास मन्त्रालयको लिखित सहमतिमा दूधको उपभोक्ता मूल्य बढाउने निर्णय गरिएको हो ।
अब डीडीसीको दूधको प्रतिलिटर मूल्य ८६ रुपैयाँबाट बढाएर ९७ रुपैयाँ कायम गरिएको हो ।
यस्तै सरकारले यस अघि वृद्धि गरेको दूधको किसान मूल्य पनि बुधबार १ चैतदेखि लागू गरेको छ ।
दही, पनिर लगायतका दुग्ध पदार्थको मूल्य भने केही दिनमा तय गरिने संस्थानले जनाएको छन ।
Categorized in बजार