टोखा नगरपालिकाले एक हप्ता विद्यालय बन्द गर्ने
काठमाडौं । टोखा नगरपालिकाले एक हप्ता विद्यालय बन्द गर्ने निर्णय गरेको छ ।
नगरपालिकाका प्रमुख प्रकाश अधिकारीले बैशाख १० गतेदेखि १५ गते विद्यालय पूर्ण रुपमा बन्द गर्ने बताएका छन ।
विद्यालय बन्द गर्नु अघि वैशाख ५ गतेदेखि ८ गतेसम्म सबै विद्यालयमा दोस्रो चरणको कोरोनासम्बन्धि विद्यार्थीमा जनचेतना फैलाउने उनले जानकारी दिए ।
बैशाख १६ गतेदेखि भने स्वास्थ्य मापदण्ड पालना गरेर वार्षिक परिक्षा सञ्चालन गर्ने निर्णय नगर प्रमुख अधिकारीले बताए ।
त्यसैगरी टोखाले नगरपालिकाभित्र कोरोना भाइरस फैलन नदिन माइकिङ गर्ने, होर्डिङ वोर्ड राख्ने, आइसोलेशन कक्ष निर्माण गर्ने कार्यलाई प्राथमिकता दिनेछ ।
नगरपालिकाका शिक्षा शाखा प्रमुख बाबुराम गौतमका अनुसार टोखामा सामुदायिक आठ, निजी ८४ र मन्टेश्वरी ३५ विद्यालय रहेका छन ।
Categorized in समाज
