काठमाडौं । टेकुस्थित शुक्रराज ट्रपिकल तथा सरुवा रोग अस्पतालमा कोरोना संक्रमित विरामीको संख्या बढ्न थालेको छ ।
केही समय अघि अस्पतालको आईसीयूमा दुई जना मात्रै कोरोना संक्रमित थिए भने अहिले त्यो संख्या बढेर ८ पुगेको अस्पतालले जनाएको छ ।
अस्पतालकी निर्देशक डा. मनिषा रावलका अनुसार आइसोलेसनमा बिरामीको भर्ना दर भने बढेको छैन । विरामी भएर आउने मध्ये ३५ प्रतिशतभन्दा बढीले खोप नलगाएको पाइएको डा. रावलले बताए ।
आइसोलेसनमा ११ जना संक्रमित उपचाररत रहेकोमा अधिकांस संक्रमितमा झाडापखलाको लक्षण देखिएको अस्पताल स्रोतले बताएको छ ।
डा. रावलका अनुसार अस्पतालमा भर्ना भएका अधिकांशले खोप नलागएको पाइएको छ ।
कोरोनाको नयाँ भेरियन्ट ओमिक्रोन छिमिकी देश भारतमा फैलिँदै जाँदा नेपालमा झन खतरा बढेको डा. रावलको भनाई छ ।
Categorized in स्वास्थ्य