काठमाडौं । ट्रेकिङ एजेन्सिज एशोसिएसन अफ नेपाल (टान)को अध्यक्ष पदमा सागर पाण्डे विजयी भएका छन ।
पाण्डेले ५८० मत पाएर विजयी भएका हुन । उनका प्रतिस्पर्धी राजेन्द्र सापकोटालाई ४८० मत पाएका छन ।
बरिष्ठ उपाध्यक्षमा कर्मा शेर्पा ५५८ मतसहित विजयी भएका छन । उनका प्रतिस्पर्धी चोलेन्द्रबहादुर कार्कीले ४८६ मत पाएका छन ।
प्रथम उपाध्यक्षमा विष्णुप्रसाद लम्साल ५३५ मतसहित विजयी हुँदा अर्का प्रत्यासी दावा लामा (तामाङ) ले ५१० मत पाएका छन ।
द्वितीय उपाध्यक्षमा सनम शेर्पा ५४४ मतसहित विजयी भएका छन । उनका प्रतिस्पर्धी निशेष थापाले ४९३ मत पाए ।
त्यसैगरी महासचिव पदमा सोनाम ग्याल्जेन शेर्पा विजयी भएका छन । शेर्पा ५५० मतसहित विजयी हुँदा सुवेदीले ४९४ मत पाए ।
सचिवमा रिन्जी जाङ्बु शेर्पा, कोषाध्यक्षमा राजेन्द्रराज वाग्ले र सहकोषाध्यक्षमा लाक्पा तेम्बा शेर्पा निर्वाचित भएका छन ।
यसैगरी महिला सदस्यमा पवित्रा तामाङ तथा खुला सदस्यहरुमा अम्बिरबहादुर गुरुङ, विनोद कुमार तामाङ, होमबहादुर विश्वकर्मा, फुर्पुछिरिङ ल्होमी (भोटे), विकास गुरुङ, सागर राई, छाप्ते लामा र राजु गुरुङ विजयी भएका छन ।
Categorized in बजार
