काठमाडौं । नेपाली क्रिकेट टिमका राष्ट्रिय खेलाडी तथा पूर्व क्याप्टेन ज्ञानेन्द्र मल्लले औपचारिक रुपमा खेलबाट सन्यास लिएका छन ।
शुक्रवार एक पत्रकार सम्मेलन गरी मल्लले क्रिकेटबाट सन्यास लिएको घोषणा गरेका हुन ।
मल्लले नेपाली राष्ट्रिय क्रिकेट टिमबाटलाई १८ बर्ष दिएको सम्झदै आगामी दिनमा क्रिकेट क्षेत्रमै रहेर काम गर्न इच्छा व्यक्त गरेका छन ।
काठमाडौं महानगरपालिका वडा २० भिमसेनथानका मल्लले क्रिकेट आउन आफूलाई सहयोग गर्ने टोलका साथीभाई, दाजुुभाई, आफन्त तथा सहयोगीहरुलाई पनि सम्झँदै भावुक बनेका थिए ।
नेपालका सबै उमेर समूह र राष्ट्रिय टिम गरी १८ वर्ष क्रिकेट खेलेका ब्याटर ज्ञानेन्द्र २०७६ को कात्तिकमा राष्ट्रिय टिमको कप्तान बनेका थिए ।
Categorized in मनोरन्जन