काठमाडौं । चालिस बर्ष अघि सन् १९८० को दशकमा जैशीदेवल नजिक रहेको विष्णुमति किनारा नजिक रहेको मन्दिरबाट हराएको काष्ठकला भेटिएको छ ।
नारायण मन्दिरमा १२ औं शताब्दीका सृजना मानिने काष्ठकला पुरातात्त्विक महत्त्वको काष्ठकला अमेरिकाको सिकागोस्थित एक निजी संग्रहकर्ताबाट स्वेच्छिक रुपमा नेपाल फर्काइएको छ ।
मंगलवार पुरातत्त्व विभागमा आयोजित समारोहमा संस्कृति, पर्यटन तथा नागरिक उड्डयनसचिव महेश्वर नेपाल, अमेरिकी नियोगकी उपप्रमुख एबिगाल एरोन्सन, पुरातत्त्व विभागका महानिर्देशक दामोदर गौतमलगायत उपस्थितीमा काष्ठकला फकाईएको हो ।
यो सम्पदा सिकागोस्थित प्रिज्कर (टम) कलेक्सनमा भेटिएकोबारे गत वर्ष नोभेम्बर १७ मा हराएकारचोरिएका नेपाली सम्पदाको खोजी अभियानकर्ता ‘लस्ट आर्टस् अफ नेपाल’ले सूचना बाहिर ल्याएको थियो ।
काठमाडौं महानगरपालिका वडा नं. १२ मा रहेको मन्दिरबाट सम्पदा हराएको जानकारी भए पनि एक वर्षअघिसम्म यसको यथास्थिति थाहा हुन सकेको थिएन ।
Categorized in सम्पदा/संस्कृति
