काठमाडौं । जुवातास खेलेको आरोपमा शनिवार काठमाडौंको मैतीदेवीबाट कलाकारसहित ९ जना पक्राउ परेका छन ।
प्रहरी वृत्त सिंहदरबारका अनुसार पक्राउ पर्नेहरुमा काठमाडौं महानगरपालिका–२९ मैतिदेवीस्थित डान्स फिभर बाट उनीहरु पक्राउ परेका हुन ।
पक्राउ पर्नेमा डान्स फिभरका सञ्चालक ४५ वर्षीय कलाकार गजित भन्ने गणेश विष्ट छन । उनले मायाज बार नामक फिल्ममा काम गरिसकेका छन ।
उनका भाइ कोरियोग्राफर नरेन्द्र विष्ट (गम्भीर), गायक चक्र बम र इकु नामले चिनिने चर्चित कलाकार सुलेमान शंकर रहेका छन ।
यस्तै रोशन सिंह, शंकरप्रसाद आचार्य, टाइम मगर, सुरेन्द्र साउद र घनश्याम अधिकारी पक्राउ परेको प्रहरीले जनाएको छ ।
उनीहरूबाट प्रहरीले एक लाख ९० हजार ९२० रूपैयाँ बरामद गरेको छ । उनीहरूमाथि प्रहरी वृत्त सिंहदरबारले अनुसन्धान गरिरहेको छ ।
Categorized in मनोरन्जन