काठमाडौं । अज्ञात समूहले पूर्वीनवलपरासीको कावासोतीमा गएराति नवलपुर जिल्ला अदालतको गाडीमा आगजनी गरको छ ।
कावासोती ८ स्थित थकाली चोकका अर्जुनकुमार श्रेष्ठको घरमा पार्किङ गरेर राखिएका सरकारी गाडी बा २ झ ३५२० नम्बरको गाडी जलाएको हो ।
प्रहरीका अनुसार जिल्ला अदालतका श्रेस्तेदार शारदादत्त बडु चढ्दै आएका थिए । आगजनीबाट गाडीको अघिल्लो भाग र इन्जिन जलेर नष्ट भएको छ ।
गाडीमा आगो लागेको प्रहरीले खवर पाएलगत्तै राति नै प्रहरी, स्थानीय र दमकलको सहायताले आगो नियन्त्रणमा लिइएको थियो ।
प्रहरीले घटनाबारे अनुसन्धान भइरहेको जनाएको छ ।
Categorized in समाज
