काठमाडौं । प्रधानमन्त्री केपी शर्मा ओलीले नेपाली जनतालाई जलविद्युत आयोजनामा लगानी गर्न आग्रह गरेका छन ।
विहिवार प्रधानमन्त्री ओलीले राष्ट्रिय सभागृहमा आयोजित ‘जनताको जलविद्युत आयोजना’ कार्यक्रमलाई सम्बोधन गर्दै सो आग्रह गरेका हुन ।
‘नेपालको पानी जनताको लगानी, हरेक नेपाली विद्युतको शेयरधनी’भन्ने नाराका साथ सुरु गरिएको कार्यक्रममा प्रम ओलीले जनताको सहभागीतालाई अनिवार्य गरिने बताएको छ ।
यस कार्यक्रममार्फत पाँच वर्षभित्र १९ आयोजनाबाट ३४७९ मेगावट विद्युत पहिचान गरी निर्माणमा जानेछन । यी आयोजनमा ६ खर्ब ९५ अर्ब ८० करोड लगानी हुनेछन् जसमा ७० प्रतिशत ऋण लगानी र ३० प्रतिशत स्वपूँजी शेयर लगानी हुनेछ ।
यस्ता आयोजनामा ५१ प्रतिशत सरकार र यसका निकाय तथा ४९ प्रतिशत जनताको लगानी हुने बताइएको छ ।
आगामी चैत ७ गतेबाट जनताको जलविद्युत आयोजनामा शेयर खुल्ने प्रम ओलीले बताउँदै पहिलो शेयर आफूले किन्ने पनि दावी गरे ।
१० हजार रुपैयाँदेखि १० लाख रुपैयाँसम्म शेयर हाल्न पाइन्छ, उनले भने शेयर सूचीकृत नभएसम्म त्यो पैसाको ब्याज पनि पाइन्छ ।
Categorized in बजार
