काठमाडौं । जनबहाःद्य (सेतो मछिन्द्रनाथ) जात्रा स्थगित गरिएको छ ।
सेतो मछिन्द्रनाथ रथयात्रा व्यवस्थापन समितिका संयोजक एवम् काठमाडौं महानगरपालिका वडा २५ का वडा अध्यक्ष निलकाजी शाक्य, गुठी संस्थानका अध्यक्ष मिनराज चौधरीलगायतको उपस्थितीमा बसेको बैठकले जात्रा स्थगित गर्ने निर्णय गर्ने जनाएको छ ।
व्यवास्थापन समितिले चैत्र १९ देखि २१ गते सम्म भव्य रुपमा जात्रा मनाउने तयारी गरिरहेको थियो ।
कोरोना भाईरसको जोखिम न्यूनिकरणमा ध्यान दिँदै समितिले हजारौंको भीडभाड हुने यस जात्रा स्थगन गरेको प्रेस विज्ञप्ती मार्फत जनाएको छ ।
समितिले सेतो मछिन्द्रनाथसँग क्षमा याचना समेत मागेको छ । साथै भक्तजनहरुमा पर्न गएको भावनात्मक तथा सांस्कृतिक असुविधाप्रति क्षमायाचना मागेको छ ।
Categorized in सम्पदा/संस्कृति