काठमाडौं । बुधवार पनि सुनको मूल्यमा बृद्धि भई नयाँ रेकर्ड बनाएको छ ।
नेपाल सुनचाँदी व्यवसायी महासंघका अनुसार आज सुन प्रतितोला एक लाख ६० हजार चार सय रूपैयाँ पुगेर हालसम्मकै उच्च विन्दुमा पुगेको हो ।
यसअघि आइतबार र सोमबार र मंगलबार पनि हालसम्मकै उच्च मूल्यमा सुनको कारोबार भएको थियो ।
बुधबार सहित लगातार चार दिन सुनको मूल्यले ऐतिहासिक रेकर्ड बनाएको हो ।
हिजो सुन प्रतितोला एक लाख ५९ हजार सात सय रूपैयाँमा कारोबार भएको महासंघले जनाएको छ ।
महासंघका अनुसार मंगलबार प्रतितोला १९ सय १५ रूपैयाँमा कारोबार भएको चाँदी बुधबार प्रतितोला १९ सय ५५ रूपैयाँमा कारोवार भईरहेको छ ।
Categorized in बजार
