चैत्र महिनामा एक खर्ब ३७ अर्बको बस्तु आयात
काठमाडौं । नेपालमा अन्तर्राष्ट्रिय उपभोग्य समानको आयातमा केही गिरावट आएको छ ।
भन्सार विभागको तथ्यांक अनुसार चैत महिनामा एक खर्ब ३७ अर्बको वस्तु आयात भएको छ ।
गत बर्ष २०७९ को चैत महिनामा एक खर्ब ४३ अर्बको वस्तु आयात भएको थियो । गत बर्षको चैत महिनाको तुलनामा आयातमा गिरावट देखिएको छ ।
गत वर्षको सोही अवधिको तुलानमा ४ प्रतिशतले गिरावट आएको हो ।
चालु वर्षको यसै समयमा ११ खर्ब ६७ अर्ब रूपैयाँको सामान आयात भएको छ ।
आर्थिक वर्ष २०७९÷८० को नौ महिनामा १२ खर्ब एक अर्ब रूपैयाँको सामान आयात भएको थियो ।
आर्थिक वर्ष २०७९÷८० को नौ महिनामा एक खर्ब चार अर्ब ७९ करोड रूपैयाँ बराबरको निर्यात भएको थियो ।
२०८० चैत महिनामा भने १३ अर्ब ३२ करोड रूपैयाँको निर्यात भएको छ । २०७९ चैत महिनामा १३ अर्ब ४८ करोडको निर्यात भएको थियो ।
Categorized in बजार
